लाइब्रेरी
प्रोफाइल
भोजपुरी गीत – बरसा के बदरिया
भोजपुरी गीत – बरसा के बदरिया
1 min
193
बरसा के बदरिया में पनिया पडेला राम
ये मोर सजना तनी चलता बुनिया में नहाए
ये मोर सजना
फुहार बरसा से देहिया भिंजेला राम
ये मोर सजना तनी देता हमरो मनवा जुड़ाए
ये मोर सजना
पिरितिया के रितिया ना बुझे मोर सजना
चूड़िया के खन खन बाजे मोर कंगना
बदरा के गरज मोर मनवा डरेला राम
ये मोर सजना तनी लेता हमके हियवा लगाए
ये मोर सजना
बरसा के पनिया जुड़ावे धरती के पियसिया
जुडाई देता पिया हमरो पियासल पिरीतिया
बिरह में तोहरे नैना बहेला राम
ये मोर सजना तनी करता हमसे नेहीया लगाय
ये मोर सजना
पत्थर के करेज तोहरों हवे मोर बलमा
प्यार वाली बतिया ना करे मोर बलमा
धक धक जिया मोर करेला राम
ये मोर सजना तनी देता झूला बहिया झुलाय
ये मोर सजना
बरसा के बदरिया मे पनिया पडेला राम
ये मोर सजना तनी चलता बुनिया में नहाए
ये मोर सजना।
