भोजपुरी चइता गीत ४–रसदार चइतवा

रसदार चइतवा मह-मह महके

गोरी भोली तोर सुरतिया ये रामा,

खूब हमके सतावे

मदभरी कारी तोर अँखिया ये रामा,

रात हमके जगावे

जबसे ई चढले गोरी चइत के महिनवा

नीरखेले तोहके मोर पियासल नयनवा

गरे हरवा बनाला आपन गोरी बहीया ये रामा

गोरी बहिया बुलावे|

रहिया चला जिन गोरी ठीक दुपहरीया|

चइत में लग जाई तोहके केहु के नजरिया|

तोहरे से लागि गईल मोर नेहिया ये रामा|

मुख मोर हिया डहकावे

मीठी तोर बोलिया जईसे कोइलिया के बोल

केसर महके बदनवा जिया जाला मोर डोल

रसदार चइतवा महकावे सारी बगिया ये रामा

मुस्कान देह अगिया लगावे

गोरी भोली तोर सुरतिया ये रामा,

खूब हमके सतावे