મોસમનો પહેલો વરસાદ
મોસમનો પહેલો વરસાદ
મોસમનો પહેલો વરસાદ. ધરતી ભૂતકાળમાં સરી પડી. ધોધમાર વરસતાં મોસમનાં પહેલા વરસાદમાં આકાશ સાથેની એ પ્રથમ મુલાકાતની ક્ષણો ધરતીને રોમાંચિત કરી ગઈ. મોસમનો પહેલો વરસાદ.
આકાશ સાથેના લગ્નની એ યાદગાર પળો, અને પ્રથમ મિલનની મધુર યાદો ધરતીને આનંદમાં તરબોળ કરી ગઈ.
મોસમનો પહેલો વરસાદ.આકાશની કારનો ગમખ્વાર અકસ્માત. આકાશના અવસાનની દુ:ખદ ઘટના, અને વિયોગની વસમી વેદના ધરતીની આંખમાં અશ્રુનો વરસાદ વરસાવી ગઈ.
આજે ફરીથી મોસમનો પહેલો વરસાદ. હોસ્પિટલનાં બિછાના પર સૂતેલી ધરતીએ જોરથી ચીસ પાડી,"નહીંહીંહીંહીં...."