યાર બનું હું

હોય કોઈ દુ:ખ તો બોલ ભાગીદાર બનું હું,

બોલ આવતા વરસાદ સામે છત્રી બનું હું.

યાર આમ એકલો ચૂપચાપ ના રહીશ તું,

વાતો કરને મને એટલે એમાં સંવાદ બનું હું.

વાતો કરતો નહીં કોઈ સવાર-સાંજની તું,

કરને વાત અંધકાર વિશે તો પ્રકાશ બનું હું.

થાય અવિશ્વાસ તો ડગમગતો નહીં તું,

રાખજે થોડોક વિશ્વાસ તો કિનારો બનું હું.

મૂંઝવણ અંદરો અંદર રાખીશ નહીં તું,

હોય કોઈ પ્રશ્ન તો બોલ તેનો જવાબ બનું હું.

પાનખરથી કદી નિરાશ થતો નહીં તું,

હાથ મારો પકડી લે જેથી વસંત રૂપી સહારો બનું હું.

સાથ છોડનારા પાછળ ભાગીશ નહીં તું,

કહેજે "નાના"ને તારો સાથ આપવા સાથીદાર બનું હું.