યાદોનું ઘર
યાદોનું ઘર
1 min
406
મારાં દિલમાં તમારી યાદો ઘર કરી જાય છે,
પછી તો આંખોને ક્યાં બીજું કશું દેખાય છે !
હવે તો ચલાવી લેવું પડે છે માત્ર તસ્વીરોથી,
ચાહું તોય હવે ક્યાં એમને મળવા જવાય છે !
સફર કેમ કાપી શકું લાંબા આ જીવનપથની,
એક ડગલું ચાલે ને ત્યાં જ એ અટવાય છે !
ને સાદ આપું તોય પહોંચી શકે ના ત્યાં સુધી,
મારી વાતો હવે તો એમની ભીંતે અથડાય છે !
મળે જો ઈશ્વર તો પૂછી શકે એ વાત 'ઉમંગ',
તારાથી કેમ આવું કોઈનું કિસ્મત લખાય છે !