યાદ આવે છે તને?
યાદ આવે છે તને?
હેપ્પી વેડીંગ એનિવર્સરી!
યાદ આવે છે તને ?
આજથી દસ વર્ષ પહેલા આપણે
લગ્નગ્રંથીથી જોડાઈને પ્રભુતામાં પગલા પાડ્યા હતા
યાદ આવે છે તને ?
આપણા મંગલ પરિણયનો એ મંગળ દિવસ
જ્યારે હું જાન લઈને વાજતેગાજતે
આવ્યો હતો
અને તારા પરિવારે તહેદિલથી સામૈયું કર્યું હતું.
યાદ આવે છે તને ?
આપણા જીવનનો એ રુડો દિવસ
જ્યારે હું શેરવાની પહેરીને આવ્યો હતો
અને તું પાનેતર પહેરીને શરમ-ઓ-હયા સાથે
મારી સામે આવી હતી.
યાદ આવે છે તને?
એ દિવસની એક યાદગાર ક્ષણ
જ્યારે મહેંદીની સરસ મજાની ડિઝાઈન્સથી
ભરેલો તારો કોમળ હાથ
મારા હાથમાં અપાઈને આપણો
હસ્તમેળાપ થયો હતો.
યાદ આવે છે તને?
આપણા લગ્નની એ સુંદર સાંજ
જ્યારે છાશમાંથી કુકડી શોધવાની
રમત આપણે રમ્યા હતા,
તને જીતાડવા માટે હું હારી ગયેલો
મને જીતાડવા તું હારી ગઈ'તી.
યાદ આવે છે તને?
આપણા મિલનની એ રંગીન રાત
જ્યારે અકાંતની એ રળિયામણી ઘડીમાં
મે તારો હાથ મારા હાથમાં લીધેલો
પછી તરત જ મે તને બાથમાં લીધેલી.
યાદ આવે છે તને?