વસંત

સપ્તરંગમાં ઢળી ગઈ કેટકેટલી વાતો

વસંતમાં લીલીછમ્મ હરિયાળી ઓઢી

પોઢી ચરણે પ્રેમીકા લાલ ચટક રંગાતો

પાનખરે પહેરી છે ખરતા પર્ણની જાતો

પીળા ઓરેન્જી કથ્થઈ રંગની રે ભાતો

સદેહે કડકડતી ઠંડી ગર્મ વૃક્ષી વાતો

ગર્ભમાં સૂતુ ટીલુપ્સ પાથરે રૂડી ભાતો

બાંધણીના ટપકાં ઉગ્યા ચોરે નીખરાતો

શ્યામવર્ણી ભીની ભીની ઝરમરી રાતો

ધોધમાર ભીંજવે વરણાગી તુજનો નાતો

કૄષ્ણ કૄષ્ણ માં રોજ વહેતો મુજમાં ન્હાતો

શબ્દ અર્થ વ્યાકરણમાં છંદ રહી ગુંચાતો

પીળો ગરમાળો જાંબુડીયો વાદળે ખીલતો

ઝાંકળમાં હું ટપકી તું વાદળીનો વરતાતો

કાળા ડિબાંગ વાદળે શ્વેતરંગી મુજ જાણતો

આડ કરી ભસ્મની શિવજીએ ભગવો નાતો !