વસંત વિવાહ

વનમાં આજે વસંત વિવાહ આવે

વૃક્ષે વૃક્ષે પ્રગટે છે હરિયાળા દીવા,

કોયલ કંઠે ગીતોની રમઝટ બોલે

વનમાં આજે વસંત વિવાહ આવે,

કેસુડો શણગાર સજીને પ્રણય રસ જતાવે

બાગ બધાએ શાહુકારી ફૂલોની બતાવે,

પાનખરના હૈયે પ્રેમરસ ભરી વસંત પરણવા આવે

ભીની ભીની ઠંડક ભરી ને હવા ગુલાબી મનને મહેકાવે,

વેલી બધી સજીધજી ને જાન પ્રકૃતિની શોભાવે

વનમાં આજે વસંત વિવાહ આવે,

ખેતરોમાં મહેનતની મોસમ મજાની આવે

સાત સૂરોની દેવી આશીર્વાદ આપી વધાવે,

વનમાં આજે વસંત વિવાહ આવે

પ્રણયરસમાં પ્રકૃતિ રૂપ અનેરા સજાવે,

માનવ મનને પ્રેમના પાઠ એ ભણાવે

વનમાં આજે વસંત વિવાહ આવે.