ઈબાદત

એ ઇબાદત કેવી હશે જેમાં, વર્ષોથી આંખો જાગતી હશે,

અધૂરી આશ કેવી હશે જેમાં, વર્ષોથી આંખો જાગતી હશે.

એ ઇબાદત કેવી હશે જેમાં, ઇશ્ક એજ તેનો ઈશ્વર હશે,

એ ઈશ્વર કેવો હશે જેની માટે, વર્ષોથી આંખો જાગતી હશે.

એ પ્રેમ પણ કેવો હશે જેમાં, આ શરીર ફકત ગૌણ હશે,

એ આત્મા કેવો હશે જેની માટે, વર્ષોથી આંખો જાગતી હશે.

એ સ્મરણ પણ કેવુ હશે જે, મરણ પછી કદાચ સાથે હશે

એ મરણ કેવુ થશે જેની માટે, વર્ષોથી આંખો જાગતી હશે.

એ લખાણ કેવુ હશે જેના શબ્દોનું વાચન એકમાત્ર 'તું' હશે,

એ તું પણ કેવી હશે જેની માટે, વિશુની આંખો જાગતી હશે.