લાઈબ્રેરી
પ્રોફાઈલ
વસંત આવી લાગે છે
વસંત આવી લાગે છે
1 min
568
લાગી ગઝલ મહેકવા, વસંત આવી લાગે છે,
’વાહ, વાહ’ની વહી હવા, વસંત આવી લાગે છે.
આ રદ્દીફ-કાફિયા બધા, ફરે પાગલ બનીને,
એને નથી કોઈની પરવા, વસંત આવી લાગે છે.
થઈ ગયું ગઝલનું વજન તો હળવુંફૂલ,
સૌ લાગ્યા એને ઓળખવા, વસંત આવી લાગે છે.
ધોવાઈ ગયું કલંક શબ્દોની અછતનું પણ,
લાગ્યા પતંગ-શા એ ઊડવા, વસંત આવી લાગે છે.
આ ગઝલનો ‘સાગર’ તોર તો તમે જુઓ,
નીકળી સૌને આકર્ષવા, વસંત આવી લાગે છે.
