Library
વિધવા ભાગ-51 પુત્ર-મરણ
વિધવા ભાગ-51 પુત્ર-મરણ
1 min
461
સૂરજ એનો માંદો પડયો,
માતા બની છે એની બાવરી જી રે !
પુત્રના દુઃખે બની દુઃખી,
આંખે વહે ગંગા-ગોદાવરી જી રે !
સારા સારા વૈદ્ય તેડાવ્યા,
તેડાવ્યા અનુભવી દાકતરો જી રે !
પુત્રને કોઈ સાજો કરો,
પૈસા ગમે તેટલા વાપરો જી રે !
વૈદ્યોએ ઓસડિયાં ઘસ્યાં,
દાકતરોએ તપાસી છે નાડી જી રે !
બધા આજે કામે લાગ્યા છે,
લીલુડી રાખવા એની વાડી જી રે !
રાત-દિવસ જોયા વિના,
સૂરજની કરે સારવાર જી રે !
મથામણ ખૂબ કરી છે,
રોગનો ન મળ્યો અણસાર જી રે !
વૈદ્યોએ હાથ ધોઈ નાખ્યા,
મદને પોતાનું કામ કર્યુંજી રે !
સૂરજની ખેંચાણી નાડી,
અંતિમ ડૂસકું એક ભર્યું જી રે !
નમાલા મુખે દાકતરોએ,
સંઘ્યા સમયે દીધી બાતમી જી રે !
રૂદનનો સૂર છોડયો માએ,
સૂરજ ગયો એનો આથમી જી રે !
