STORYMIRROR

'Sagar' Ramolia

Tragedy

4  

'Sagar' Ramolia

Tragedy

વિધવા ભાગ-46 ગીત સાંભળવાની હઠ

વિધવા ભાગ-46 ગીત સાંભળવાની હઠ

1 min
538

માતા મારું મનડું નાચે દલડું નાચે,

સંભળાવ એવું એક ગીત, એવું એક ગીત !


ગુલાબના ફૂલની સુગંધ આવે,

મોગરો ને જુઈ મુખ મલકાવે;

નાચી ઊઠે મારું ચિત્ત, સંભળાવ એવું...


મનની ઉદાસી મારી દૂર ભાગે,

થનક થૈ થૈ થનગનવા લાગે;

આનંદની થઈ જાય જીત, સંભળાવ એવું...


કોયલ-કાબર કલબલતાં આવે,

મીઠાં-મધુરાં-સરસ ગીતડાં લાવે;

આંગણે રંગોળી થાય અંકિત, સંભળાવ એવું...


ચાંદામામા સાથે વાતો હું કરું,

આકાશમાં એની સાથે હું ફરું;

સાંભળું વાર્તા નવી નિત, સંભળાવ એવું...


તારલા સાથે ધમાચકડી રમું,

બધાનો પ્‍યારો થઈ બધાને ગમું;

શિષ્‍ટતાની શીખી જાવ રીત, સંભળાવ એવું...


પરીઓના દેશનો વાયુ આવે,

સાથે પરીરાણીને ખેંચી લાવે;

બની જાવ એનો પરિચિત, સંભળાવ એવું...


દરેક દિવસ સુંદર લાગે,

ખીલતો રહું નિત્‍ય તુજ ચાગે;

ખોવાયેલું રહે ચિત્ત, સંભળાવ એવું...


મેના, પોપટ ને મોર બોલાવ,

નાચ નાચું ને એના સંગે ગાઉં

મેળવું હું બધે જીત, સંભળાવ એવું...


મનગમતા વાંદરા કૂદતા આવે,

હૂપ હૂપ કરી વગડાને ગજાવે

થાય એનાં પગલાં અંકિત, સંભળાવ એવું...


સિંહરાજા રૂડો નાચ દેખાડે,

રીંછભાઈ ત્‍યાં રમૂજ પમાડે

થઈ જાય બધાં આનંદિત, સંભળાવ એવું...


ભાતભાતની એમાં ભવાઈ આવે,

નાચે કૂદે ને બધાં રંગ રેલાવે

ગીતડાં ગાય ઉચિત, સંભળાવ એવું...


રંગલા-રંગલીના ખેલ આવે,

તાળીઓનો ગડગડાટ લાવે

કોઈ ન બને અળવિત, સંભળાવ એવું...


રૂપાળાં સસલાં મારી સાથે રમે,

અમારી રમતો બધાંને જ ગમે

આકર્ષાય સૌનું ચિત્ત, સંભળાવ એવું...


પિતાજી વિદેશમાંથી જલદી આવે,

ખૂબ રમકડાં મારા માટે લાવે

થૈ જાય મનઆનંદિત, સંભળાવ એવું...


પિતાજી આવીને ખોળામાં બેસાડે,

વાર્તા કહીને વિદેશ દેખાડે

રહે સંગાથે પિતાજી નિત, સંભળાવ એવું.


સામગ્રીને રેટ આપો
લોગિન

Similar gujarati poem from Tragedy