વિધવા ભાગ-34 પિયુ-પ્રિયા ગીત-3
વિધવા ભાગ-34 પિયુ-પ્રિયા ગીત-3
(રાગ-આજ મારી મેના રે બોલે રે ગઢના.)
આજ મારા પિયુજી બેઠા રે ઘરના ઉંબરે,
પિયુ તમે શું રે નીરખો છો ? (ર)
આજ મારા પિયુજી બેઠા રે ઘરના ઉંબરે !
આજ મારી ગોરાંદે મલકે રે ગોરા મુખડે,
હું તો નીરખું ગોરીનું રૂપ, (ર)
આજ મારી ગોરાંદે મલકે રે ગોરા મુખડે !
આજ રૂડા તારલા ચમકે રે ઊંચા આભમાં,
એનું તેજ ઝળહળ થાય, (ર)
આજ રૂડા તારલા ચમકે રે ઊંચા આભમાં !
આજ રૂડો ચાંદો ચમકે રે ગોરીના મુખડે,
એવું ગોરીનું મુખ સોહાય, (ર)
આજ રૂડો ચાંદો ચમકે રે ગોરીના મુખડે !
આજ મારા સૂના રે જીવનમાં આવી રોશની,
મળ્યો કાંઈ પિયુનો સંગાથ, (ર)
આજ મારા સૂના રે જીવનમાં આવી રોશની !
આજ એવી પાનખર ગઈ ને વસંત આવી,
હાથમાં દે ગોરી તારો હાથ, (ર)
આજ એવી પાનખર ગઈ ને વસંત આવી !
આજ મારા પિયુજી બેઠા રે અનેરા રંગમાં,
મલક મલક થાય છે મુખ, (ર)
આજ મારા પિયુજી બેઠા રે અનેરા રંગમાં !
આજ મારીગોરાંદે નાચે રે મનના સંગમાં,
નટખટિયું દેખાય છે મુખ, (ર)
આજ મારી ગોરાંદે નાચે રે મનના સંગમાં !