વાંસળીના છેદન

ગોકુળની ગલીઓમાં વાંસળી વગાડે

વાંસળી વગાડે, વાલો ભાન રે ભૂલાડે

કાનુડા તારી વાંસળીના છેદન સૌને ઘેલા રે કરે !

સુની સુની શેરીઓને તું જગાડે

વાંસળીના સૂરે સૌને રે રમાડે

કાનુડા તારી વાંસળીના છેદન સૌને ઘેલા રે કરે !

વૃંદાવનમાં તું ગોપીઓ સંગ રાસ રચાવે

ગોપીઓને ઘેલી કરી ભાન રે ભૂલાવે

કાનુડા તારી વાંસળીના છેદન સૌને ઘેલા રે કરે !

તારી વાંસળી સુણીને ગાવલડી દોડી આવે

પ્રકૃતિ આખી સજીવન થઈ હરખ લાવે

કાનુડા તારી વાંસળીના છેદન સૌને ઘેલા રે કરે !

તારી વાંસળીના સૂરે ગોવાળિયા કેવા નાચે

રાસ રમીને આખા વૃંદાવનમાં ધૂમ નચાવે

કાનુડા તારી વાંસળીના છેદન સૌને ઘેલા રે કરે !