ઊગવું છે મારે

સૂરજની જેમ ચમકવું છે મારે,

ચંદ્રની જેમ ચલકવું છે મારે,

તારાની જેમ ટમટમવું છે મારે,

ખીલતા ગુલાબને મળવું છે મારે,

અમાસની રાતમાં ફરવું છે મારે,

પૂનમના ચાંદને મળવું છે મારે,

ગિટારની જેમ રણકવું છે મારે,

સાગરનાં નીરમાં ઘૂમવું છે મારે,

વિખરાયેલા દિલને જોડવું છે મારે,

સંબંધોના સથવારે ચાલવું છે મારે,

અનેરી આશમાં ઊડવું છે મારે,

લાગણીની લ્હેરમાં લૂંટાવું છે મારે,

પ્રેમની ભાષામાં વહેવું છે મારે,

મોસમની મજાને ગમાડવું છે મારે,

જીવનના રંગોમાં રેલાવવું છે મારે,

જીવનને ટકાવી રાખવું છે મારે.