"ઉપેક્ષિત ઘડપણ" કડવું સત્ય

શ્રવણ બની ગયો છે હવે

ફક્ત ઇતિહાસનું અેક પાત્ર!

કળિયુગમાં એ છે

એક કલ્પના જ માત્ર !

ઘરડાં મા - બાપ બની ગયા

છે હવે ઉપાધિનો ભાર,

ચલક - ચલાણી રમી રહ્યા

છે દિકરાઓને દ્વાર!

વ્હાલા લાગે મા - બાપ,

જ્યાં સુધી હોય હરતાં ફરતાં,

બને પરાવલંબી તેઓ જ્યારે,

સંતાનોથી ઉપેક્ષિત થતાં !

ન કરીએ ઉપેક્ષા તેઓની,

મળશે તમને આશીર્વાદ.

કરીને સેવા દિલથી,

પામશો પ્રભુનો પ્રસાદ !

કુદરતનો છે નિયમ પ્રબળ,

વિતશે યુવાની આવશે ઘડપણ,

ન કરશો ફરિયાદ એ ક્ષણે,

જ્યારે તમ‌ સંતાનો કરશે અનુકરણ !