ઉનાળો
ઉનાળો
આકરા ઉનાળાની આકરી ગરમી,
લખ લખ કરતી આવી ગરમી,
ગામના ફળિયા ગામના પાદરા,
ભાસે ભેંકાર, સૂના સૂના,
શેકાઈ રહી શહેરની ગલીઓ,
કાળઝાળ કરતી આવી ગરમી,
નદી-નાળા સરવર સૂકાણા
પશુ-પંખી જ્યાં ત્યાં સંતાણા,
ત્રાહિમામ ત્રાહિમામ પોકારે લોકો
ધોમધખંતી આજ આવી ગરમી,
ધરતી તો આગ ઓકવા લાગી
ઝાડપાનને એ બાળવા લાગી,
કઈંક પારેવા તરફડી મરાણા
લૂ વરસાવતી આવી ગરમી
ખાવાપીવામાં ધ્યાન બહું રાખજો,
હરવા ફરવાનું ઓછું કરી નાખજો,
બપોરે આરામ કરવાનું રાખજો,
લ્હાય વરસાવતી આવી ગરમી.