ઉછાળે જે યુવાની, એ સાચો યુવાન

ઝીલી વાતો જુવાન, તું થાજે જુવાન

ઉછાળે જે યુવાની, એ સાચો યુવાન 

તારી છે ખેવના ને, તું ખેવૈયો રાજ

વહે નસનસમાં તારી, રણભેરીનો નાદ 

કંડારી કેડી ને, થાજે જ બાગબાન

ઉછાળે જે યુવાની, એ સાચો યુવાન  

નવયુગ છે કૌવતનો, ખૂંદજે બ્રહ્માંડ

ઢાલ જ તારી સંસ્કૃતિ, મા વસુધાની શાન 

તારી જુવાની છે, મહા વિપ્લવની આગ

ઉછાળે તું જુવાની તો જ સાચો જુવાન 

ધરી હાક ગજવજે તું અંબર જુવાન

ઉછાળે જે યુવાની, એ સાચો યુવાન.