ફૂલોની બારાત

લાગે છે બાગમાં આજે ફૂલોની બારાત આવી છે,

કઈ કેટલીય ખુશી ઓની સૌગાદ લઈને આવી છે,

આ જો ને પતંગિયું કેટલું ખુશખુશાલ છે,

રંગબેરંગી ઉપવનનું જાણે એ મહેમાન છે,

જોને આ હવા પણ બની ગાંડીતૂર છે,

મહેક ફેલાવવા એ કેટલી આતુર છે,

ખડા પગે ઊભી આ ડાળીઓ,

જાણે ફૂલોનું સ્વાગત કરવા મશગુલ છે,

જાણે સોનેરી કિરણોનો ભારો લાવ્યો આ સૂરજ,

જો ને ધરતી પરથી ઉદાસી ક્યાંય ગુમ છે,

જો ને પંખીઓનો પણ આજે રંગીન મિજાજ છે,

ડાળે ડાળે ટહુકે,

કેવો હૃદયસ્પર્શી એનો જાદુઈ અવાજ છે.