તું
તું
ક્યારેક વિચારું છું કે
તું હાં.. હાં તું
ક્યાં છે અને ક્યાં નથી ?
હૃદયનો ધબકાર તું
શ્વાચ્છોશ્વાસની રફતાર તું
કેટલો વિશાળ વિસ્તાર
મારામાં તો વિસ્તરે જ છે અવિરત તું
પણ મારામાંથી નીકળી સર્વત્ર અમાપ વિસ્તાર તું,
અંતરની લાગણીમાં તું
વિહરતી ઉદાસીમાં તું
ક્યાં ક્યાં નથી તું ?
હજી જાણે જ ક્યાં છે તું
મને કે આ મારા પ્રેમને
નસે નસમાં લોહી બની વહે એ છે તું
હું તો તુચ્છ આ શરીર માત્ર
અને એ પણ ક્યાં મારું છે,
તને જો કાઢી નાખું તો
થાય ઢગલો આ આખુંએ શરીર
આંકી શકાય તો આંકી લે મહત્વ
છે ને ફરતું અસ્તિત્વ મારું આસ પાસ વીંટળાઈ તને
તો એ પૂછે મને
ક્યાં ક્યાં છે તું ?
સવાલોની ગર્તામાંથી બહાર નીકળી
હૃદય ને ટટોળી તો જો
કદાચ ક્યાંક કોઈ ખૂણામાં
મળે મારો આ પ્રેમ ને સમજે તું,
બસ એટલે જ ક્યારેક વિચારું છું
તું હાં.. હાં તું
શીદ ને સતત ફેલાય છે તું.