તું શું જાણે

વિયોગે કાળજાને વિંધતી વેદનાને, તું શું જાણે ?

વસ્યા છો દૂર, એકલતાની પીડાને, તું શું જાણે ?

આ વરસાદની બૂંદો તો બઉ વ્હાલી લાગે છે મને,

પણ એકલા પલળતા એ ખૂંચે, એ તું શું જાણે ?

મન થાય સૂરજની સંગે શણગારી દઉં ગગનને,

પણ સાંજ ઉદાસીને ખીજવે, એ તું શુ જાણે ?

હા ! ભલે ને રહી હું રૂડી રૂપાળી ચાંદ સમી,

પણ તારાઓની ટોળીની થાય ઈર્ષ્યા, તું શું જાણે ?

ને થતું સદાકાળ રાત દિવસ, ભરતી ઓટ,

મિલન પછી કેમ કરી વિરહ સહું, તું શું જાણે ?