તું રાખ

છૂટવાનો સમય તો ખબર જ છે ને તને મારો,

બસ પાંચ મિનિટ ઝરૂખે આવવાનું તું રાખ

તારી ગલીમાંથી જ નીકળું છું હરરોજ,

બસ બે ઘડી નયન મેળવવાનું તું રાખ

કેટલીવાર આવી જાય છે એ નફ્ફટ લટ તારા ગાલ પર,

આંગળીઓમાં ઉલઝાવીને એને કાન પાછળ કરવાનું તું રાખ

શોભતી હતી એ નથની કેવી તારા નાક પર,

આજ થી હરરોજ એને પહેરવાનું તું રાખ

શરમથી ગુલાબી થઈ જતા ગાલ તારા, આહા!

મને જોઈને આમ જ શરમાવાનું તું રાખ

આંખના ખૂણેથી જોઇલે છે મને એ ખબર છે

આમ જ જોઈને મારુ દિલ ધડકાવવાનું તું રાખ

છૂટવાનો સમય તો ખબર જ છે ને તને મારો,

બસ પાંચ મિનિટ ઝરૂખે આવવાનું તું રાખ.