તું કરું છું
તું કરું છું
દિવસ ને રાત, હાથ જોડી વિનવું છું,
શ્રદ્ધાની તું, કસોટી કરે છે !
પથ્થરની એક, મુરત બનીને,
અવર જવર મંદિરમાં તું, જોયાં કરે છે !
આર્દ્ર વાણીથી, વિનંતી કરું છું,
સાંભળ્યું ન સાંભળ્યું તું, કર્યા કરે છે !
અવગણીને, પ્રાર્થના સૌની,
માનવીની પરિક્ષા તું, લીધાં કરે છે !
અવિરત, પ્રયત્નો કર્યા કરું છું,
સહનશક્તિને તું, અજમાવ્યાં કરે છે !
આશાની એક જ્યોત, ઓલવીને,
નિરાશાને તું, હંમેશા પ્રગટાવ્યાં કરે છે !
હારીને હવે, શરણે પડું છું,
ચરણોમાં તારી, માફી પ્રાર્થું છું,
સ્વીકારી લે, ભુલ અમારા સૌની,
“ચાહત”ને તું, અવગણ્યાં કરે છે !
થાકીને હવે, પગે પડું છું,
માનવજાત તરફથી, હાથ જોડું છું,
સંહાર, કરવાં “કોરોના” નો,
હાથ જોડીને, યાચના હું કરે છે !