ભવના ફેરા

રણકાંઠાની તરસ લઈને આવ્યો છું તારી પાસે,

ભવના ફેરા સાચા કરવા પગરવ માંડયો સાચે.

એકબીજાના સથવારે,

ભીંજાઈને લીલાં થાશું.

દૂધમાં સાકર જેમ ભળે, 

એમ ભળી જાશું.

પગલેપગલે સુખી થઈને જીવશું પાકી આશે,

ભવના ફેરા સાચા કરવા પગરવ માંડયો સાચે.

દુ:ખે સુખે એકબીજાંને,

એટલા પાવન કરશું.

ભૂલી જાશું તારું મારું, 

આપણું આપણું કરશું.

મરણને પણ ઊજવી લઈને જીવીશું સાત ફેરે,

ભવના ફેરા સાચા કરવા પગરવ માંડયો સાચે