તું કેમ નથી

ચાલતાં ચાલતાં બધે હું તને જ શોધું છું,

છતાં કોઈ રસ્તે મને તું કેમ મળતો નથી ?

હવે કાપી નાખું છું અંતર હજારો માઈલોનું,

છતાં તું ક્યાંય મને નજરે કેમ ચડતો નથી ?

દરેક શેરીએ ભટકતી રહું છું બની બાવરી,

છતાં ક્યાંય મને સામે તું કેમ મળતો નથી ?

ક્યારે થાય સૂર્યોદય અને ચંદ્રોદય ખબર નથી,

છતાં તને શોધું દરેક પળે તું કેમ જડતો નથી ?

જોને હું એવી તો ઘેલી બની તારા પ્રેમની તરસી,

છતાં પાગલ 'નિક્સ' માટે કેમ વરસતો નથી ?