તો સારૂં

 જીવતરનો થાક લાગ્યો છે મુજને

  બે ઘડી નિરાંતની મળી જાય તો સારૂં,

  દોડ્યો ઘણું છતાં યે કશે ન પહોંચ્યો

  આ ચરણ હવે અટકી જાય તો સારૂં,

  શમણાંઓએ સતત છેતર્યો છે મને,

  નીંદ શમણાંવિહોણી મળી જાય તો સારૂં,

  દરિયો દર્દનો ભીતરમાં જ વહ્યાં કર્યો,

  આંસુ બની બહાર આવી જાય તો સારૂં,

  

  પ્રયત્નો પ્રેમ પામવાના અર્થહીન રહ્યાં,

  આ દિલ હવે જડ બની જાય તો સારૂં,

  સ્વર્ગ કે નર્ક હવે તો કંઈ નથી જોઈતું,

  ભવોભવના આ ફેરા ટળી જાય તો સારૂં.