શીખી લીધું છે મેં

ચાલો, હવે આંખમાં આંસુ નહીં આવે,

હર હાલમાં હસવાનું શીખી લીધું છે મેં,

ફરિયાદનું હવે કોઈ સ્થાન જ નહીં રહે,

મૌન રહીને જીવવાનું શીખી લીધું છે મેં,

દુશ્મનોનાં હથિયારો સહજમાં છૂટી જશે,

પ્રેમથી દિલ જીતવાનું શીખી લીધું છે મેં,

મુસીબતોનો દરિયો ભલે ને હોય તોફાની,

વહેણની સામે તરવાનું શીખી લીધું છે મેં,

મૃત્યુ પણ હવે મને કદી ડરાવી નહીં શકે,

અલિપ્ત રહી જીવવાનું શીખી લીધું છે મેં.