તો કહેજે મને

હોય ચુંબકીય લાગણી તો કહેજે મને 

અંધારે દૂર હોય ચાંદની તો કહેજે મને,

નીકળ્યા આ તો દરિયાની સફરે 

ભીના હાથે કોરી આંગળી હોય તો કહેજે મને.. 

હું તો રાધા બની પ્રેમ ઘેલી ઓહ કહાન !

હોય નવી નકોર વાંસળી તો કહેજે મને,

દુનિયાના સંબંધો બહુરૂપિયા જોયા 

જો તું મોહરેથી ઉતારે કાંચળી તો કહેજે મને.. 

જોયા સૂકા વેરાન પાનખર અમે 

જો દેખાય ક્યાંક લીલી પાંદડી તો કહેજે મને.. 

જીવન કાયમ પરીક્ષા લેશે, દોસ્ત ! 

હોય જો તારી દશા આકરી તો કહેજે મને, 

આગના દરિયે પ્રેમ શોધવા નીકળી 

ખાલી હોય જો તારી નાવડી તો કહેજે મને.