તો કેવું
તો કેવું
યુગોથી રમે આ જગ ધરી વેર ઉન્માદોભરી
પ્રેમ છલકાવું સુખ સદા હું તો કેવું ?
ભલું થાય સૌનું છે એમાં જગભલાઈ
સરે ભાવ હૈયે નીત શાણા તો કેવું ?
ભલે ને મળે થોડુંજ પણ હોય હિતકારી
સંતોષ ઉરે ઠારેજ શાતા તો કેવું ?
અવરનાજ દુઃખે જો અનુભવાય એ દુઃખો
બને ધર્મ સાચો એજ સૌનો તો કેવું ?
રમે કોડ મનમાં થાવું તો પુષ્પ રે થાવું
મળે ભાગ્ય દેવા ફળજ આ જન્મ તો કેવું ?
વિધાતા થઈ જાયે જ આ જીંદગી ઝરણું
સજાવું હૈયે લીલુડી ભાત તો કેવું ?
રમું માત જેવું આ જગે આશિષે તારા
ખુશ હું અને ખુશ ઉપરવાળો જ તો કેવું ?
મળે ભાગ એવા ‘દીપ' વૃન્દાવને વિહરી
પરમ પ્રેમમાં ગોપી સમ થવાય તો કેવું ?