તો કેવું સારું !

પાનખર બની વેરવિખેર થઈ ગયું આ જીવન,

વસંત બનીને કોઈ આવે તો કેવું સારું !

હાસ્ય એ જાણે રૂસણા લીધા હોઠોથી,

સ્મિત બનીને કોઈ આવે તો કેવું સારું !

ઉદાસી હતાશા જાણે દિલની મહેમાન બની ગઈ,

કોઈ ઉત્સાહનું ઝરણું બનીને આવે તો કેવું સારું !

રંગ વિહીન બન્યું છે આ જીવન મારું,

મેઘધનુષ્ય બની કોઈ આવે તો કેવું સારું !

અમાસ જેવું અંધકારમય બન્યું આ જીવન,

કોઈ પૂર્ણિમાનો ચાંદ બનીને આવે તો કેવું સારું !