તમને જોઈને

આ રીતે તમારી નજર મુજ પર ફેરવશો નહીં,

હું તમારી તિરછી નજરથી ઘાયલ થઈ ગયો છું. 

આ રીતે તમારા હ્રદયની ધડકન સંભળાવશો નહીં, 

હું ધડકન સાંભળીને પ્રેમનો તાલ મેળવી લઉં છું.

આ રીતે તમારા કેશને હવામાં ફરકાવશો નહીં,

હું તેને જોઈને સાવનની શિતળ ઘટા અનુભવું છું.

આ રીતે તમારી સુંદર અદાઓ બતાવશો નહીં, 

હું તમારી સુંદર અદાઓથી પાગલ થઈ જાઉં છું.

આ રીતે તમારા અધરોના શબ્દો સરકશો નહીં,

‘મુરલી’ શબ્દો સાંભળીને હું શાયર બની જાઉં છું.

રચના:-ધનજીભાઈ ગઢીયા "મુરલી" (જુનાગઢ)