તહેવારોનો સંગમ

અષાઢી બીજનું પર્વ લાવે હર્ષ-ઉલ્લાસ,

મૂકે લાપશીના આંધણ ને વાવણી ખાસ,

કૃષ્ણ સંગ બલરામ અને સુભદ્રા સવારી

રાજપથ પર રથયાત્રા લાવે હર્ષ-ઉલ્લાસ,

કચ્છી માડુ મનાવે હર્ષ-ઉલ્લાસ,

નવું નૂતન વર્ષ લાવે હર્ષ-ઉલ્લાસ,

ઊડે ગુલાલ ને મીઠાઈનો રસથાળ

કચ્છમાં જોમ લાવે હર્ષ-ઉલ્લાસ,

આવ્યો છે રૂડો અષાઢી નવરાત્રીનો તહેવાર,

રમે ગરબે સૌ કરે તપસ્યા નવરાત્રીનો તહેવાર,

થયો છે ત્રિવેણી તહેવારોનો અદભૂત સમન્વય

કચ્છી નવું વર્ષ, રથયાત્રા, ને નવરાત્રીનો તહેવાર.