તારું સ્મરણ
તારું સ્મરણ
આ ખાલી મનમાં હરપળે
તારું સ્મરણ આવી જતું
તારા વિચારે અધરોને એ
કેવું મલકાવી જતું,
તુજ રાહ જોતા નયનમાં
સોનેરી શમણાં સજાવી જતું
મારી ધમનીઓમાં વહેતું
રક્ત પ્રેમનું ગીત ગાઈ જતું,
તારી સતત બસ ઝંખનામાં
હૈયું હિલોળે ચડી જતું
મારું સમગ્ર અસ્તિત્વ
જાણે તુજમય બની જતું
આ કેવું પાગલ દિલ છે મારું
તુજ પ્રીતમાં ડૂબી જતું
તારી કલ્પનાઓમાં જોને
એ હરક્ષણે ઝૂમી જતું.