ત્યારે બને છે કવિતા

શબ્દોની ઊર્મિઓ ખળભળે ત્યારે બને છે કવિતા

કાંઈક આહ ને કાંઈક વાહમાંથી જન્મે છે એક કવિતા 

હો લાગણી જો તરબતર સર્જાય છે કવિતા

કોઈ પ્રણયમાં પાગલ બને સળવળે એક કવિતા

ક્યારેક સૃષ્ટિ નિહાળતા છલકાય છે કવિતા

ઉષા ને સંધ્યાના રંગો જોઈ સ્ફૂરે ઉરમાં એક કવિતા

કેવી શબ્દોની કરામત થકી રચાય છે કવિતા

લયમાં ભળી પ્રાસમાં વહે ગૂંથાય છે એક કવિતા

કવિની કલ્પનાને વાચા આપે કલમ આલેખી કવિતા

અંતરના ભાવો વલોવાય ત્યારે પડઘાય છે કવિતા