સ્વપ્ન સોહામણું આવ્યું રાતમાં
સ્વપ્ન સોહામણું આવ્યું રાતમાં
સ્વપ્ન સોહામણું આવ્યું રાતમાં
સ્વપ્ન સોહામણું આવ્યું રૂડું મને રાતમાં
વિશ્વ આખું સ્નેહ છલકતું દેખાયું મને રાતમાં,
ન કોઈ રહ્યો ભેદભાવ ન કોઈ જાતિવાદ
ઝાઝેરા હેતથી લોકો ભેટતા દેખાયા સાથમાં,
પ્રકૃતિની રક્ષા લોકો નિહાળ્યા હેત ધરી
પ્રકૃતિના ખુશી છલકાતી દેખાઈ સ્વપ્નમાં,
ધનધાન્યથી છલકાતા ખેતરોની આ શોભા
ફ્ળ ફૂલો અઢળક જોઈ ખુશ હું સ્વપ્નમાં,
વહેતી સરિતાના નિર્મળ જળની શોભા ઘણી
કિંમતી રત્નો છલકાવતો સાગર સ્વપ્નમાં,
નેહ છલકતાં નેણલાંને હેતભરી હૈયાની વાતો
જગતમાં ક્યાંય ન લડાઈ જોઈ સ્વપ્નમાં,
સ્વપ્ન સોહામણું આવ્યું રૂડું મને રાતમાં,
વિશ્વ આખું સ્નેહ છલકતું દેખાયું મને રાતમાં.