સવાલ થઈ ગયો

જિંદગીને, જાત ઉપર અભાવ થઈ ગયો,

ને એનાં, હોવાપણાંનો એને, સવાલ થઈ ગયો !

પાખંડી ગુરુઓનો, ચમત્કાર વધી ગયો,

ને મૂર્તિને, એનાં અસ્તિત્વ પર સવાલ થઈ ગયો !

અત્તરની ખુશ્બૂનો, વપરાશ વધી ગયો,

ને ફૂલોને, એમની સુગંધ પર, સવાલ થઈ ગયો !

સંબંધ આજ, મોબાઈલથી સચવાતો થઈ ગયો,

ને સગપણને એની વ્યાખ્યા પર, સવાલ થઈ ગયો !

'ચાહત' ને પ્રેમ, ઈમોજીઓમાં કેદ થઈ ગયો,

 ને હૃદયને, એના ધડકવા પર, સવાલ થઈ ગયો !

ઘડી બે ઘડી, જિંદગીમાં રંગ આવી ગયો,

ને સમય આમજ, અમસ્તો ખુદથી રિસાઈ ગયો !