સ્વાભિમાનનો સંગ

સોના-ચાંદી-હીરા-મોતી ને હું ભલે ત્યજાવી જાણું, 

પણ સ્વાભિમાનના ઘરેણાંને હરપળ સજાવી જાણું, 

ધન-દોલત ને સુખ-સાહ્યબી લાગે ઘણું વ્હાલું, 

પણ સ્વમાન તો સૌને લાગે એથીય ઘણું પ્યારું, 

જો હું હોઉં એક ખળખળ વહેતી નદી, 

તોય સ્વમાન ખાતર ન ભળું સાગરમાં કદી, 

જીવન છે મારું સુંદર એ જાણી ખૂબ હરખાઉં,

પણ જો ઘવાય મારું સ્વમાન તો કેમ વિસરાવું ?

આત્મીયતા ને કાજ હું છોડું હંમેશ મારું અભિમાન, 

પણ, હા કદાપિ ના ત્યજું હું મારું સ્વાભિમાન, 

આજ કહું હું એક વાત,

કરો હંમેશ અભિમાનનો ભંગ, 

ને જીવો જીવન સ્વાભિમાનને સંગ.