ભાષા મારી ગુજરાતી

જે ભાષાના રંગે હું રંગાઈ બાળપણથી એ ભાષા મારી ગુજરાતી,

જે ભાષાએ શીખવ્યું મને જીવનનું પ્રથમ પગથિયું ચડતાં એ ભાષા મારી ગુજરાતી,

જે ભાષા થકી કરી મે મારા શિક્ષણની શરૂઆત એ ભાષા મારી ગુજરાતી,

જે ભાષાએ શીખવ્યા મને સાચાં જીવનના મૂલ્યો એ ભાષા મારી ગુજરાતી,

જે ભાષાએ મને સમજાવી શબ્દોની સાચી તાકાત એ ભાષા મારી ગુજરાતી,

જે ભાષામાં છે મારી વતનની માટીના મૂળ એ ભાષા મારી ગુજરાતી,

જે ભાષા છે મારા કુળની ધરોહર એ ભાષા મારી ગુજરાતી,

જે ભાષામાં છે સ્નેહ-સંબંધોની મીઠાશ એ ભાષા મારી ગુજરાતી,

ગર્વ છે મને હું અમે મારી ભાષા બંને છીએ ગુજરાતી..!