અસ્તિત્વની સુવાસ
અસ્તિત્વની સુવાસ
મારા આંગણે ખીલેલી હું એક કોમળ કળી,
અખૂટ વ્હાલપની હેલી છે મને મળી !
વિચારોને વાચા બનાવવા ઝંખે છે મારું મન,
હે ઈશ્વર, દેજે મને સંસ્કાર અને સંસ્કૃતિનું ધન !
વ્હાલ અને વાત્સલ્યની મળે સદા સૌને સરવાણી,
ખુશીઓ એવી વરસે, જાણે મહેકે રાતરાણી !
જેમ મહેકાવે છે બાગને 'ફોરમ' ફૂલડાંની,
છલકે એમ હેતથી હર એક આંખલડી !
ભીંજવે સદા દરેક મનને પ્રેમ અને લાગણીની ભીનાશ,
કરું એવું કામ કે પ્રસરે કાયમ મારા અસ્તિત્વની સુવાસ !