બાપની વેદના
બાપની વેદના
કપાઈ જાય છે કાળજું મારું,
જયારે બોલે છે કડવા વેણ લોહી મારું !
જેના માટે ઘસી નાખી જાત આખી,
એ કહે છે શું કર્યું તમે જિંદગી આખી !
કંપે છે હૈયું મારું હર દિ' ને રાત,
જયારે એ કહે છે શું કામની આ ઘરડી જાત !
એક બાપના બલિદાનો એ તો સુધારી તારી
જિંદગી વ્હાલાં,
તો શાને એ બાપને દુઃખી કરી કરે છે તો
દવાલા !
એ ન ભૂલ દીકરા કે મે જિંદગી ન વિતાવી હોત
ફાટેલા બુટમાં,
તો તું ન હોત આજે ટીપ-ટોપ સૂટમાં !
ન તમારી જેમ અમે ભેગું કરવા જીવતા,
અમે તો કાયમ ભેગું રહેવા જીવતા !
વાગે છે તલવાર કરતા શબ્દોના ઘા વધારે,
હર એક વેણ તારો પિંખે છે મને વારેવારે !
પારકાના દીધેલા દુઃખને તો હું ભૂલી જાણું,
પણ પોતાના જ દુઃખ દે તો ક્યાં જાઉં ?