સ્ત્રીની વ્યથા

ફરવા જવું કે મોજથી જીવવામાં,

ક્યારેક આવક આડી આવી ગઈ તો !

ક્યારેક બાળકોની પરીક્ષા નડી ગઈ,

ક્યારેક વડીલોની બીમારી ડરાવી ગઈ તો !

ક્યારેક મહેમાનગતિ જકડી ગઈ,

વાળની સફેદી ચાંદીમાં ખપી ગઈ તો !

સોનાની ઈચ્છાને મોંઘવારી નડી ગઈ,

લાકડીને ટેકે ચાલતી થઈ તો !

અધુરપ હનીમૂનની મનમાં જગાવી ગઈ,

બાળકોને પેરિસ લંડન જતા જોઈ તો !

પતિના શબ્દો 'આવતા વરસે'ની યાદ અપાવી ગઈ,

કંઈ કેટલાય સપનાઓને કચડી ગઈ તો !

છેલ્લે 'તું કેટલી બધી બદલી ગઈ !'

જીંદગી આ લેબલ આપતી ગઈ તો !

વર્ષોના વાવેતરનું ધોવાણ કરતી ગઈ.