સરવાળો
સરવાળો
સર્વ જ્ઞાનનો સરવાળો અઢી અક્ષર પ્રેમનો..તડ તડ તતડે રૂંવા રૂંવા તો પ્રખર સુર્યને કેહવું શું ?
વરસે ના એકેય વાદળી ટહુકે મોરલો ના તેનું શું ?
ગગનથી લાવી પંખીડુ.... પીંજરે પૂર્યુ તેનું શું ?
ધરાથી ડર લાગતો.... કહેને આભનું કરવું શું ?
રંગોળી પીંજરે કરી.... ઘરમાં પૂરે તેનુ શું ?
દિવસે પોઢાડી સ્વપ્નમાં તો રાતનું કરવું શું ?
સર્વ જ્ઞાનનો સરવાળો અઢી અક્ષર પ્રેમનો..ચૂપચાપ સાચવી ડિક્શનરી મારે એનું કરવું શું ?
આકુળ વ્યાકુળ હૃદય નિચોવતી.. આતુરતા છળકપટના મૌન પગલાં નિરખીને કરવું શું ?