સરકાવી દે તારા શબ્દો

દિવસ આખો વીતે છે મારો,

ફક્ત પ્રેમ શબ્દ લખવામાં,

પણ જો તું પ્રેમ કરીશ મુજને,

તો શબ્દ પૂરો થશે એક ક્ષણમાં,

રોજ રાતે મુજને દેખાશે તારો,

સુંદર ચહેરો સપનામાં,

પણ તું મુજને નહીં મળે તો મારી,

રાત વીતશે તારા વિચારોમાં,

અઢી અક્ષરનો જાદુ જ્યારે,

સમજાશે તુજને તારા મનમાં,

તું નહીં રહી શકે મારા વિના,

મિલન કરવા આવીશ ઉદ્યાનમાં,

આવી જા ઓ વાલમ મારી,

કલમ છે મારી ખૂબ ઉતાવળમાં,

સરકાવી દે તારા શબ્દો "મુરલી",

હું ગઝલ લખી હવે તારા દિલમાં.