પ્રિયતમાની અડગતા
પ્રિયતમાની અડગતા
મને તારા પ્રેમે ગજબની રોશની આપી છે,
આ દુનિયાના અંધકારથી હું ડરવાની નથી,
ધડકનનો તાલ તારી સાથે મેળવીશ હું,
આ દુનિયા તેને બેતાલો કરી શકવાની નથી,
તારા પ્રેમે મને ખૂબ દિવાની બનાવી છે,
હવે હું તારાથી દૂર રહી શકવાની નથી,
જિંદગીભર તારો સાથ નિભાવીશ હું,
આ દુનિયા વિચલિત કરી શકવાની નથી,
તારા પ્રેમ રાગનો સૂર મારી સાથે મળ્યો છે,
તેને કદી પણ હું બેસૂરો થવા દેવાની નથી,
પ્રેમ રાગનો આલાપ તારી સાથે કરીશ હું,
આ દુનિયા તેને કદી રોકી શકવાની નથી,
તારો પ્રેમ મારા રોમરોમમાં લહેરાય છે,
તેની ઈર્ષા પણ ખૂદા કરી શકવાના નથી,
દિન રાત તારૂં જ રટણ હું કરૂં છુઃ" મુરલી",
આ દુનિયાની મને નફરતની બીક નથી.