સોનેરી પરોઢ

પ્રકૃતિથી રંગાઈ ને કલમ શબ્દે આવે અનેરી ભાત;

' કોમલ ' હૈયું નિરખે આજ અનોખી પ્રભાત.

વહેલી પરોઢનાં પંખીના કલરવ સંગે;

ઘેલાં બની અમે હસતાં વસંતનાં રંગે.

મંદ- મંદ અનિલની વહેતી લહેરખી દીઠી;

વહેલી પ્રભાતે નવ ઉમંગે કોયલ બોલી મીઠી.

કોમળ તડકો એ પરોઢનો, મુજને લાગતો ન્યારો;

પ્રકૃતિમાં અવનવાં રંગ એ કુદરતનો ખેલ અનેરો.

છૂટા હાથે કુદરત રંગ પૂરતાં મહી;

નવાં રૂપથી પ્રકૃતિ રોજ સજતી અહીં.

ખળખળ વહેતા નીરને ઝરણાંનો નાદ;

જાણે કુદરત ની કરામત નાં શમણાંનો સાદ.

હસતી હરેક લત્તા વહેલા પરોઢિયે મસ્ત;

કરમાઈ જતી સર્વ લત્તા ઓ, રવિ થતાં અસ્ત.