માનવી ક્યાં ?

એકાંતમાં બેસીને વિચારું છું કે કેવું છે જગત ?

સમજાતું નથી કે ક્યાં ગયો શ્રમિક આ જગતનો ?

જે જન-જનમાં માનવતાનો સંદેશ ફેલાવતો, તે માનવી ક્યાં ?

જે પરાજીતને વિજેતા બનાવતો, તે માનવી ક્યાં ?

જેનાં હૈયામાં હિત અને પરોપકાર વસેલા, તે માનવી ક્યાં ?

જે સત્ય ની સાચી રાહ પર ચાલતો, તે માનવી ક્યાં ?

જે ભક્ત બની કીર્તન કરતો, તે માનવી ક્યાં ?

સકળ જગતમાં શાંતિનું પ્રતીક કહેવાતો, તે માનવી ક્યાં ?

જે માત - તાતને ઈશ્વર સ્વરૂપ માનતો, તે માનવી ક્યાં ?

જે દીન - દુઃખીયાંનો દાતા બનતો, તે માનવી ક્યાં ?