સંગદિલ છો તમે વાલમ
સંગદિલ છો તમે વાલમ
જાત કરતાં પણ વધારે તમારી ફીકર છે,
ઈશ્વર કરતા વધારે થાય તમારું ઝિકર છે,
પળ પળની રાખીએ છીએ તમારી ખબર,
પણ અમારી તમને ક્યાં છે કોઈ કદર છે !
સાવ સંગદિલ, પથ્થરદિલ છો તમે વાલમ,
મારા પ્રેમની તમારા પર ક્યાં કોઈ અસર છે !
ચાલુ છું પથ પર હરેક પળે સ્મરણ તમારું છે,
પણ તમારા સાથ વિના નકામી આ સફર છે,
ખુશનુમા છે ચારેકોર આ મસ્ત મોસમ,
હવાએ છેડ્યો રાગ, બસ તમારી જ કસર છે,
તમારા સ્મરણ સિવાય ક્યાં કશું કામ છે !
હોઠે અમારે, તમારું નામ આઠો પ્રહર છે.