સ્નેહ સંવાદ

લાગણીઓને એ સુંવાળો અહેસાસ આપે છે,

કોખમાં એ છે એનો મીઠો અણસાર આપે છે !

મૂકું પેટ પર હાથને કરું એની સાથે સ્નેહસંવાદ,

હળવી લાત મારી એ મને હાથતાળી આપે છે !

નજર ના લાગે એટલે રાખું પાલવના આવરણે,

સાંભળી મારી બધી વાત એ હોંકારા આપે છે !

નથી લાગતોને મારો ભાર ? એવું વારંવાર પૂછે છે,

હું ના પાડું તો ખુશીથી મને આલિંગન આપે છે !

એને સંભળાવું ખુશ કરવા હું મીઠાં ગીત ગાંઉ,

સૂર પુરાવા સંગીતમાં એના ધબકારા આપે છે !