સમયનું પૈડું

બટકબોલા ટેણીયાને મમ્મી હમેશાં કહેતી,

" નાનો હજી તું, ખબર કંઈ ના પડે તને !"

થયો મોટો ભાયડો ને જાગી લાડની અભિપ્સા,

" હવે તું કંઈ નાનો કીકલો નથી કે કરું વ્હાલ !"

૪૦થી મોટાં થવું નથી, જીવન રિવર્સ ગિયરમાં જીવું,

ઈચ્છું સમયનું ગોળ પૈડું ફરીને પાછું ત્યાં જ આવે !

લલના બોલી "અંકલ" ત્યારે લાગ્યો તો ઝાટકો,

આજે બાળકો "દદ્દુ " કહે છે ચહેરો ચાડી ખાય છે !

અતૃપ્ત ખેવનાઓ, સરકતી સમયની તસવીરો,

એક હલેસું મારી મઝધારમાં મસ્ત કિનારો યાદ કરું !