સમય

ના તારો છે ના મારો છે,

ને તો પણ એ સૌનો છે.

આજની ક્ષણ ને માણો

તો એ કાલને આવતી કાલ પણ

રોજ નવું નવું ચીતરે

રોજ નવું નવું યોજે,

ને સજે એક જાજરમાન

અલગ જ અનેરો ઇતિહાસ,

યુગો ના વાયરા વહી જાય

કંઈ કેટલી કહાનીઓ સર્જાય,

એ તો ચાલ્યા કરે

નિર્મળ સતત અવિરત,

સદા સર્જાતું નિત નવું

અનોખું પરિવર્તન,

કદી ના કોઈનો ગુલામ રહ્યો

ને કદી કોઈનો બાદશાહ,

એ તો હંમેશ રહ્યો

મરજીનો માલિક,

છે ને અજબ આ સમય

ને છે ને ગજબ માયા આ સમય,

આંગણે આવે દોડી

ને પલમાં ભાગી જાય,

ના લાગે વાર રંક ને રાય

પલ માં વિફરે ને પલ માં રીજે,

એવી છે આ સમયની લાય !